တကယ်ပျော်စရာကောင်းရဲ့ လား … နှစ်သစ်

အချိန်က မရောက်သေးဘူး
လူတွေက တယောက်ပြီး တယောက်
ရောက်လာကြတယ် …
စကားဝိုင်းတွေရဲ့ 
ရေချိန်က မြင့်တက်လာပြီ …..။

တိုင်းရေး ပြည်ရေး
တော်လှန်ရေး ဝေဖန်ရေး
အသံများ အဆံများ
စကားလုံးဖြင့်
သွေးချောင်းစီး သတ်ဖြတ်မှုများ
ဘီယာဗူးခွံများ
အရက်ပုလင်းများ
အဆီပြန်မျက်နှာများ
အချိန်က နီးလာပြီ ……..။

ဘယ်သူ ဘယ်ဝါ
ရောက်မလာသေးဘူးလား
အသေအချာ ပြောထားရက်နဲ့ 
ဒီမှာ လူစုံနေပြီ
တဖျစ်တောက်တောက် ရေရွတ်ပူပန်(ပင်)
အချိန်က နီးလာပြီ …….။

ရေ(ရည်)တွက်သံများ ဆူညံလာ
ဟေး သံပြိုင်အော်သံ
ဟက်ပီးနယူးရီးယား
ဖန်ခွက်ချင်းတိုက်ကြ
လူချင်းပွေ့ ဖက်ကြ
ပျော်ရွှင်မှု အဆိုင်အခဲတွေနဲ့  ပြစ်ပေါက်ကြ
အချိန်ရောက်ပြီ …..။

ပျော်ရွှင်စရာ မြင်ကွင်းဟာ
ကြေကွဲစရာတွေနဲ့  ပြည့်နှက်နေတယ်
ကောင်းကင်ကို မော့ကြည့်တဲ့အခါ
ကြယ်ကြွေတွေက
ငါ့ကို … နှုတ်ဆက်သွားကြ …..

သံတိုင်တွေနောက်က
အုတ်နံရံတွေအနောက်က
နောင်တော် အမတော်တို့ 
ညီငယ် ညီမငယ် ရဲဘော်တို့ 
နှစ်သစ်ရဲ့ ညမှာ … သင်တို့ ကို
ဘယ်သူမှ သတိတယမရှိကြလည်း
အသင်တို့ ကတော့
ယုံကြည်ချက်နဲ့  နှစ်တွေကို
သစ်မြဲသစ်နေကြမယ်ဆိုတာ
ငါ …ယုံတယ်။

သင်တို့ မလွတ်မြောက်သရွေ့ 
ရောက်ရောက်လာတဲ့ နှစ်သစ်တွေဟာ
ငါတို့ အတွက်
ပျော်ရွှင်စရာ မဟုတ်ပါ ….
မိတ်ဆွေတို့  ရေ
နှစ်သစ်ဟာ ငါတို့ အတွက်
ပျော်ရွှင်စရာမဟုတ်ပါဘူး …….။

(မိတ်ဆွေများခင်ဗျား လွတ်လပ်စွာကွဲလွဲခွင့်ရှိပါသည်)

ရဲရင့်သက်ဇွဲ ၃၁ ၁၂ ၂၀၁၀